نخوة بالملك عبدالله لرفع حد السيف عن رقبتي
أنا شباب بروح رجال شآيب"وفي كل طاروق يهب ويديره"دكتور طب مدرب(ن) للطبآيب"وبالعلم أعرف الجايره والعثيره"وأقول من يقبل عن الذنب تايب"مآظن يقتل بالسيوف الشطيره"يآخادم البيتين سيف الحرآيب"يآفزعة المضلوم جبر الكسيره"أنخاك في سجني عن الوجه غايب"تكفى يابومتعب طبيب الضريره"ناظر سحايب بسط فاق الهبايب"تنخاك في جاهك وجاه العشيره"محسوبتن لآ رحت تحت الترايب"بالخام الابيض والمواقف عسيرة"والنفس وأعمال البشر وأنت هايب"تدور الحسنة وعينك بصيرة"تمت بذكر اللي يسوق السحايب"بعداد مايمطر ويخضر بذيره"على رسول الله فضيل العجايب"باللي نطق بأمره وجالك نذيره"علام سر الغيب بالحكم صايب"اللي خلق خلقه وعالم مصيره"
الشاعر/عوض بن عني بن سبيتان المهيمزي الرشيدي