الا يمه تعذريني على دنيا تحداني
تنسيني من الماضي وماضيها زرع فيني
زرع فيني وفا وخلاص وحب الناس يغويني
انا يمه انا من هو ليا غبتي عن اعيوني
انا دمعة بلا منديل ومنديلي من اكفاني
انا ضحكة تناهيتي اموت لحضه وتحيني
انا لا جربي الموال حروف الآه تكويني
وانا ريشة رسم فنان رسم نعشه وشالوني
تبين الصدق يا يمه دعاك يثبت اركاني
انا لو لا الدعا يمه تلقتني شياطيني
شياطين الملا تركع وشيطاني يناديني
وانا يمه وشيطاني نحب الطيب مركوني
رثيت الوجد ووجوده وجاني يطلب العاني
وانا كلي وسط ترياق وترياقي نفث فيني
قريت الحمد والانفال وسورة نوح تنجيني
تعلم مني الحاضر واصبح خيل مجنوني
تعلقت في لجام السرج وصهيله يحيي اجناني
اشوف الروس مذلوله عقب ما ولعت فيني
سهام الغدر في ظهري وفي وجهي تواسيني
سهر ليلي عشق الليل ونجم الليل مضموني