[خليف الوهيداني]

اقتباس من مشاركة فارس المظيبري بسم الله الرحمن الرحيم اخواني الكرام اعضاء ومتصفحي شبكة منتديات بني عبس السلام عليكم ورحمة الله وبركاته0 هذه قصيده للشاعر- ديحان اليامي الذي يدرس في جامعة الصين المركزيه موجهها لزميله الطالب- فهد بن عوض بن عتيق المظيبري ثم جاء رد من الأستاذ فضاض بن محمد بن فضاض المظيبري والقصائد كالتالي@ قالو بني رشيد قلت الجمل قام=شال الحمول اللي تمايل رزمها قبيلتةً تاريخها بيض الايام=من قدحها ثار العجاج وعسمها قبيلةً بالمجد طولات وزمام=يوم الهنادي أحتمت من لزمها خطلين الايدي للأرامل والأيتام=أم اليتامى مانسوا من قسمها ذوي الرشيدي كنها مالها خطام=من سطرته وان عوبل لها من زهمها لايافهد من خوتك كيف ينلام=من فزعتك في ضيقته يستلمها ذويك قومً ميزت بين الاقوام=بيارقن تشفي صدر منتقمها يعرف حماكم نجد وعراق والشام=وعنكم يجيب ديار مصر وهرمها عزالله انك لظهر والتحيزام=خوي جنب وفزعتك ياكرمها وانقل تحياتي وباقي ضنا يام= للابه اللي جعلني ماعدمها 00000000000000000000000000000000000000000000000000 000 جاء الرد من الشاعر والأستاذ- فضاض بن محمد بن فضاض المظيبري قالوا سلايل يام قلت البحر زام=موجً تلاطم والرديه لطمها رجالهم رجال نخوه ومقدام= ياحي والله خوتن نحترمها أهل الشجاعه والفخر نسل الاكرام=في كل وجهة خير تركز علمها قبيلةٍ من لاذ فيها ماينظام=يقلط على طابخ شحمها لحمها يرتاح لو خلفه طوابير صدام=ولا جيوش العرب ولا عجمها اليا تناخوا بالعزاوي بني يام=تصغر فجوج الارض في من حكمها حقايقن تعرف ولاهي تحلام=اللي رسم تاريخ الأمه رسمها لايافهد بلغ تحيات الاسلام=للي تفنن والجواهر نظمها بالصين ماهمه شيهانقا وشنقام=اللي ذبايحهم مايوكل لحمها وسلم سلمت من المصايب والأسقام=يلي دروب المرجله تغتنمها وسلمت أنت يابو محمد والشاعر ديحان اليامي وبو عوض ومن يسمع بدع ورد من اروع مايكون وصح السنتكم جميع ونعتذر لكم عن التقصير ودمتم بحفظ الله فارس المظيبري

صح لسانك ولسان ديحان اليامي

قصايد فوق الشموخ

لله درك يافارس

لك احترامي