انا انايب العمده وانا معرف الدار=وانا معزب الضيفان عقب المعزب
تشوفون فــ بلاد المسلمين وش صار=وتشوفون كلن في علومه يكذب
وتشوفون طفل اصغير يصهر على النار=وتشوفون بنت اصغيرونه تعذب
وتشوفون كيف الجرم في كل الاخبار=وتشوفون وشلون الاوادم تقلّب
وتشوفون وضع المالكي مثل بشار=وتشوفون من يبغا يجرب يجرب
وتشوفون وش جانا عقب غلو الاسعار=ابو واحد وعشرين راسه مشيب
وتشوفون كيف الشر في كل الاقطار=وتشوفونه انه كل مره يقرب
ترا كل ما تشوفون تنبيه وانذار=لو انسان يبني غدر ذنبه يخرب
وسﻻمتكم والعافيه
ياعلك سالم وغانم
وانا اقول ليه تقوم في كل الادوار=علامك ماخذت الدور الاول تدرب
اذا ناسبك بعدين يالعود تختار= قبل منك مضمون الضماير يهرب
توكل على الله والعن ابليس ياجار=مادامك بدار ابو العقال المقصّب
عسالله يكافينا بلا دور الاقدار=تكرب ولكن يفرج الكربه الرّب
نلج بدعانا للولي وال الاقدار=وتفلل خواطرنا عقب ماتكرّب
ياغازي هجوسك كلها رموز وسرار=ولكنّ مثلك عود شوفه يسرب
ولو يعتذر تقبل منه كل الاعذار=على فطرة الاسلام حراً معرب
آخر تعديل بواسطة عقيل الرشيدي ، 10-01-2014 الساعة 05:45 PM.
توقيع المعزب |
|
|