[مسعود الرشيدي]

من مدلي بسم المحبه كفوفه
مديت له كفٍ من الود مليان

هذي سلوم اهل الجميل معروفه
من عادة الاحسان يجزى بالاحسان

مايلبس الرجال بشت الحسوفه
الا ردى من يحسب انه كحيلان

بعض الهقاوي بالرجال مخلوفه
وبعض الرجال اكبر خساره ونقصان

والطيب اللي نخوتك ماتطوفه
سيفٍ على يمناك في كل ميدان

والا الردي لو زين الله ظروفه
فعله ردي ماطاب فعله ولازان

وش عاد لوانه كبارن كتوفه
بالضيق مايسوى رديه من الضان

ومن جرب الدنيا بشين يشوفه
شاف الحياة اكبر مدارس للانسان

ماينكسر لوالمصايب تحوفه
اشجع على الدنيا من الذيب سرحان

لوشاف وقته مرهفاتن سيوفه
يبقى مثل مكان لو كان ماكان

والرجل تعرف قيمة من وقوفه
والطيب لطيب علامه وبرهان

ولو كل رجالن يكرم ضيوفه
ماذكر طيب فلان ولاردى فلان

الموضوع الأصلي: بعض الهقاوي بالرجال مخلوفه | | الكاتب: مسعود الرشيدي | | المصدر: شبكة بني عبس