[عبيد الله دعيع]

البارحة كني على واهج النار=القلب دكتبه جميع الهواجيس
العين طار النوم عن موقها طار=القلب صاحي في جميع التحاسيس
شغلت فكري في دواليب الأفكار=وأشغلت مع فكري جميع الحواسيس
قمت التمثل في تماثيل الأشعار=كتبت شعري في صخيف القراطيس
بالصاحب اللي بدل الدار في دار=أبعد على اللي يبعد(ن)المراميس
وتقطعت من دونهم كل الاخبار=أناشهدأنه ضاع زين الملابيس
خلي كما ريم(ن)ربى وسط الاقفار=في مرتع(ن)مأحد(ن)نزل به ولاديس
عزالله أنه للعشاشيق سحار=يسحر بنظرات العيون النواعيس
أبو نهودن بالصدر توها صغار=والعود تلعبه هبوب النسانيس
ابو جديل(ن)فوق الامتان نثار=ماشفت شكله في جميع التجانيس
العين عين اللي على كف صقار=حر(ن)عديم يفرس الصيد تفريس
أبعد حبيبي وأبعدت فيه الاقدار=من بعدها كثرت علي الوساويس
أرسلت لي ناس(ن)ادوٌر بالاقطار=كل الدول وتمر لندن وباريس
وأرسلت لي ناس(ن)ادوٌر بالأبحار=ناس(ن)ضواري للسباحة غواطيس
وأرسلت مرسال(ن)مع الجو طيار=متفرس(ن)بطيارت الجو تفريس
يمكن يحصل صاحبي للقمر جار=وإلا الثرياء والنجوم المقابيس
وأرسلت لي ناس(ن) مع البدو دوار=فوق الجموس مبعدات المناطيس
وتفرقو ولكل في وجهته سار=كلن يقول القاه والصاغر إبليس
قعدت أنا عقب العواسيس محتار=أقول تاتي بالعلوم العواسيس
تاتي بعلم اللي له القلب مندار=اللي عليه غصون قلبي ميابيس
أنا أشهد(ن) صويحبي بالهوا جار=صرنا كما ليلى ومعشوقها قيس
عادو مدا ويري وعمسن الأبصار=البعض منهم عودولي مفاليس
إلا من البدوان جابولي ذكار=جاب الخبر عنها خبير الجواسيس
قلت أعطني تفصيل عن كل ماصار=درسني الموضوع يالقرم تدريس
قال العلوم أخذت بالبر مشوار=حصلت خلك مع عذىً مجاليس
خلك لقيت أهله هل العز والكار=يسكن بديرة كاسبين النواميس
بنت الشيوخ مطوعت كل جبار=أولادعبس اللي على الخيل فريس
اللي لهم بالطيب صيت(ن)وتذكار=أهل الكرم والجود ناس(ن)فواريس
بني رشيدالياعتلو فوق الامهار=يوم اللقا عدوهم باللقا ديس
ربعي مغن الطيب وافين الاشبار=رجال عبس محٌرقين المحاميس
الآبة اللي تكرم الضيف والجار=بالحرب سيف وبالكرم ترخي الكيس
وكل القبايل بالشجاعة لها الدوار=الطيب موجود(ن)بكل التجانيس
جاني خبرها مع صليبين الاشوار=أمسيت مايطري عليه وساويس
تمت وصلى الله على سيدالابرار=إعداد ماهبت هبوب النسانيس

شعر /أخوكم الخيال أرجو أن تنال أعجابكم وأتحسانكم

الموضوع الأصلي: البارحة كني على واهج النار | | الكاتب: عبيد الله دعيع | | المصدر: شبكة بني عبس