والذبح / ماهو كلامٍ صعب ينقال
الذبح / قل الوفا وموت المبادي
والخوف من شيئ ما يخطر على البال
وإلا إن توقعت شيئ وصار ... عادي_*
كتابة /
أموت في كل يوم وما عرفت أقراك
وأنت فـ عيوني ورق وأهدابي كتابه
ياكثرك أنت ... وياقل الليل في مسراك
ماشفتني أمشي ورمشي طاحت ركابه
يا ليت وصلك لـ غيري والبقا فرقاك
وأقول : [ أنا من غلاه مصافح غيابه ]
بدر /
كل شئ كبر وأنت يا طيب ولا تكبر
تركضك الأيام لآواقف ولآماشي
ياقو قلبك ... ولو عمرك ورق دفتر
يملاه الأزرق زمان وياصل اللاشئ
الله يا أنت يـــ المسكون بالأخضر
ذاب الذهب كانها الدنيا لك غراشِ
مثل السواحل تحضْنْ الموجة وتصغر
وتكبر بوجه البحر ... والموج متلاشي
وجهك مداين ... وغربة صوتك المهجر
منفي ... وكل الدروب لوصلك عطاشِ
أدريك /
تتعب
تعاني
تختفي
تظهر
تضحك
وتبكي
تخاف الليل والواشي
عصفور جنة ... وصفك الورد للعنبر
طرت فـ عيوني تركت لقلبي أعشاشي
سافر حديث الدخون ... فــ نشوة المبخر
وخليت عطرك على رمل الحشى فراشي
لا تستقـــلك ..... تراك فــ عيني الأكثر
وأنت أكثرك صبح لكن ما صحى جاشي