[ناصر خنيفر]

اقتباس من مشاركة المعزب هل هلاله الحمد لله على السلامه يازينك يوم انك عمدة الموقع تصول وتجول الله يذكر ذيك الايام بالخير=يومن عمدتنا يصول ويجولي فوق المهار مفتحات المناخير=الي عليهن وصف خير الخيولي اليامرسن مثل السحاب المدابير=الي على دربه تسيل السيولي بقطيهن شرهات ماياقع الطير=مثل الضليم المستذير الجفولي يصيبهن مع صوت ناصر عياطير=مع همهمه ويخابطن الرجولي يصرف عليهن مثل صرف الدنانير=ابيات شعرن للمشاهد كحولي يخدر السامع بالابيات تخدير=بالله ياشعار عبس اسمحولي عبرت عن ماكنه الصدر تعبير=عن عمدة الموقع عريب الخصولي

مرحبا ومسهلا بالصديق بالزمان السابق اما اليوم تطورت ماني حولك هههههههههههه

حيالله اللي تحترمه المناعير= لاعل زولك قدمنا مايزولي
شاعر وتبصمله جميع الشواعير= ياقل مانهو مثل بيته يقولي
لاصاغ بيته صور الوضع تصوير= من واحد وعشرين تقل معمولي
مثل الذهب عملته عن عملة الغير= بالشعر والاخلاق ماهو بحولي
هذا اعترافي يالوجيه المسافير= وقعتله يمسك شداد الذلولي
ذلول عبس اللي تلم المشاهير= القلعه اللي تجتمعبه زحولي
من كل يم تشوف ورد ومصادير= ماقفلت في محكمات القفولي
وسلم وسامح كان حصلت تقصير= يامكرم الضيفان جزل الفعولي