السلام عليكم ورحمة الله وبركاته
أخو مزنه له وقفات مع الجميع
واضاهر أن عمه تخلا عنه بعد أن وصل لمراتب عليا ولكن
اللي مثل وضاح واجد اصحابه والان اترككم مع الحدث الحاصل
وهنا البداية ولو صحبته مع عمه قويه ورصينه الفزعه واجب
وضاح اليمن
اللي يبا الاشراف يسكت ولا يقول= يحضر وبس ولا يحفر الجحاره
كلمة مجرب صارله سابع الحول= مع عبس لو عنهم بعيده دياره
والرجل يصمت وان هرج هرج معقول= والثرثره تجني لهلها خساره
هذا وانا قلبي على فلان معلول= اللي تركني ورتفع للاداره ههههههههههه
صعد وخلاني مع مطير وسهول= روح ماخذني معه يم الوزاره
نساء اليماني يوم يعمله الفول= وحليب نوق نقدمه في غظاره
هنا رد
العمده ناصر خنيفر البراك
اشوف اخو مزنه غداء تقل مهبول= يبغا يوجه عبس وصدر قراره
عن عبس مانته يابيض الوجه ماسول= الها رجالن تنعرف بالصداره
بابن تبيه بوجهك اليوم مقفول= والحر قالو يفتهم بالاشاره
تبغا كفيل ولانته اليوم مكفول= اعميت عينك وطروك الاماره ههههههههههههه
خلك مع جفارك مع اجبال وسهول= ولاعاد تاتي عبس لوهي زياره
العام هرجك لاتكلمت معسول= واليوم هرجك عندنا به مراره
هنا ردي
أخوكم خاتم المهيمزي
فزعه لاخو مزنه
ياشيخ بعض الهرج ماهو بمعقول=وضاح شيخ ومجلسه بالوزاره
نسيت يوم الحرب والحبل مفتول=وضاح باول خيلكم كل غاره
وياما ذبح لضيافتك حشو وعجول= كريم سبلا ماحسب للخساره
واليوم تضحك فيه وتقول معزول=وانا كفيله ماتغير مساره
وراجع ضميرك وابسط الهرج محمول=والرجل في يمناه ولايساره
يحمل كتابه ساعت(ن)وقعها يهول=في حزت(ن) ماتفيد فيها الشطاره
وراع النصيحه في رضا الله مشمول=واللي نصح لله يلقى وقاره