[رويشد]

اقتباس من مشاركة وضاح اليمن تدري ان الاداره مقديه فينا ماتلبي طلباتنا وحنا اللي مقومين المنتدى مع السلامه يارويشد والله يذكرك انت والمعزب بالخير والبرمكي وفازع وجديد شاعر وابو مشعاب اما انا عندي شغل ومن اليوم دخلاتي قليله وارجوكم المعذره والسموحه من الجميع

انا بعدكم عفت حتى الهواجيس = ولا عاد لي بالدار منزل ومجلاس
ومنك العذر لن كان زودت بالقيس = والله يبيحك كثر الاحياء من الناس
انا أشهد أنك من خيار القرانيس = اللي مكاسبهم مع الطيب نوماس
تضحك ليا شفت الوجيه المعابيس = وتزعل ليا شفت العرب صابهم ياس
مالك حلي وسط الكتب والقواميس = نادر بنوعك مالك اشباه واجناس