كتبت هذه القصيده في علم من أعلام الكرم والطيب
ورجل المواقف والفزعه وهو من قبيلة حرب الشهيره
سعادة العقيد/عبدالله ابن عايد الحربي . ويستاهل الطيب
راعي الطيب .... والقصيده قلت فيها
سلام والتسليم قولن من الدين=ومبداً ايقال وقلت باول اكتابي
سلام ممزوجن ابعود ورياحين=واعداع ماهبت هبوب الروابي
والموقف اللي مايبي له مساكين=ناديت له شيخن عزيز الجنابي
أمثال ابن عايد حفيد المسمين= اللي يهيب وباللقاء مايهابي
حفيد حرب اهل النقاء والميادين=قومن ايعدلون الخطاء للصوابي
تاريخكم ماهو زمان وزمانين=عصرن قبل عصر النبي والصحابي
قومن إعزاز وطيبين وكريمين=مداتكم تغني قليل الزهابي
يقولها اللي باحثن بالدواوين=افعالكم ياحرب نالت إعجابي
واليوم تكفى ياحفيد السلاطين=حلفت مادونك اتنوخ اركابي
تكفى يابو ماجد صعوط المجانين=عشر اسنوات وكلبوهن ذهابي
تكفى وتكفى يالسنافي ملايين=الخوف من بعض الامور ايغدابي
تمت بذكر اللي خلقنا من الطين=سبحانه المحصي جزيل الثوابي