[المعزب]

اقتباس من مشاركة وضاح اليمن ايه الاحبه رواد شبكة المجد والتاريخ تم الاتفاق بيني وبين المعزب على هدنه حتى اصرامة العود الله يلحقناه حنا وانتم بخير انتم عارفين وقت الربيع الناس تشتت بسبب الرحلات البريه والمقانيص وزيارة الاقارب ومن هذا المنطلق وقفنا جميع النزاعات والمشاحنات بيننا كما نوقفها بيننا وبين الاعضاء الاخرين فامن اليوم انشالله ماتسمعون من اخو مزنه الا الخير والعلوم الطيبه اطلب من الله اعز واجل ان يلحقنا اصرامة العود والجميع يتمتع بالعفو والعافيه هدنه لاحتى العشب يابس خضاره= ولاعاد يبقا بالوطا غير الاشجار حسب القرار اللي كتب بالاماره= وقع عليه مكرم الضيف والجار اما اخو مزنه هم قلبه اجفاره= ربيع قلبه ياقطفن زين الازهار في حاجرن خالط بياضه صفاره= نوير عشبه تنبهر منه الانظار واليا انتها الموعد قدحنا الشراره= من زندي اللي لاقدح يشتعل نار وختامها مسكن وعنبر ذماره= تهدالكم ياهل الوفا كبار وصغار

عزالله انك ناجحاً بالشطاره=يومن بعض الناس فيها خذا اصفار ههههه
معاك رخصه بالحدث واستماره=تاخذ من هجوس المشاهد وتختار
وانا معك ركبت وسط الغماره=ددسن عراوي حوضها كله اجفار هههههههه
عن زحمة العالم وجو الحضاره=نبغالنا مع خايعاً عشب ومطار
عن صحبة الي مايطف الزقاره=نفسه على خشمه وضايق ومحتار
خبزه على ناره وعينه الجاره=(ياجار انا برحل عن الدار ياجار) هههههه