يا مرحبا ترحيبة الشيخ بالشيــخ
ترحيبة شيوخٍ لفو مجلس شيــوخ
ويا مرحبا وعطرٍ زهى بالمطانيخ
مطنوخ وافي مرحب إلّه بمطنـوخ
ترحيبة خياري رقت بالشواميخ
وتنزل وتِلْبس ضيفها طيَّب الجوخ
وتشتاق إله شوق إبدوي للمرابيخ
ودلة عويدي والرطب فوق شمروخ
ويامرحبا عند الرجال المجاويخ
أهل الكرم والطيب والعز وإشموخ
أهل البيوت النايفات المشاميخ
وفي وسطها المجلس فسيحٍ وشاموخ
وتبرك مفاطيحٍ وتشرب مطابيخ
والجود فيهم عرق ينبض ومنسوخ
وأهل الشجاعه والحرار المكافيخ
ويا فزعة المعسر وتقفيلة إشروخ