[عوادسعودالرشيدي]

قالوعلامـك دايــم الوقـت ضايـق = قلت اه مدري وش علامي وش في

قالـو ولـومـره ماشفــنـاك رايــق = قلت ايه عندي شي وبخاطري شي

تبون مني كشف بعض الحـقايـق = اللي حصل ماهـو بيد كـم ولايـدي

احيــان احسب الثانـيه والدقايــق = واحيان اسج بسجتي واغفي شوي

لعيون من يسوى جميع الخلايـق = اللي كواني بالغلاء وانجض الكي

لايق بوسط القلب والعـين لايـق = مـسكــانهـا مابـيـن قلـبي وعينـيـي

اخـذ علي عهـود واكـبر وثايـق = لابقـامـعه مادمـت حيـن وهـوحـي

وهوحلـف باللي علـم كل بايـق = انـي شريـك الروح والزاد والمي

الشاعرعوادسعودالرشيدي

الموضوع الأصلي: قالوعلامك دايم الوقت ضايق | | الكاتب: عوادسعودالرشيدي | | المصدر: شبكة بني عبس