[رويشد]

اقتباس من مشاركة رويشد ياللي تجر الصوت تكفى لا تصيح = أصبح وعين خير يا وجه الفلاح مرزوق يتميلح ولا وجه مليح = الله يعينه كل ما جانا وراح

اقتباس من مشاركة مرزووق مرزوق ماهو مثل شرواكم يطيح = لجا نهار الكون واشتد الصياح والسمن داخل مدهنتك لا يسيح = ياخلطين السمن مع سمُ(ن) لحاح

اقتباس من مشاركة رويشد أرتاح يا مرزوق لا تكثر مديح = الوقت هذا ماهو بوقت الرماح الكايده تبغى لها رجل ٍصريح = لا شاف ما عافه يعجل بالصلاح

اقتباس من مشاركة مرزووق بعض العرب ياصاحبي ماله نطيح = وان جا نهار الهوش اخذ وضع انبطاح الكايده تبغى لها عقلن رجيح = والهيس يبقى هيس لو لبس وشاح

اقتباس من مشاركة رويشد أن كان ودك يا صحيبي بالصحيح = القافله ماضرها كثر النباح منقذ يهود القدس مذكور المسيح = والقدس يامرزوق ما تنسى صلاح

اقتباس من مشاركة مرزووق مافات مات ولا نبي نبش الضريح = والمركبه ماتبحر بعكس الرياح الداب لمنه زعل جاله فحيح = احذر من الديبان ياراع المساح هههههههه

اقتباس من مشاركة رويشد الخير قدامك وأنا لساني فصيح = ياللي عيونك شاقها شوف السلاح اليا كوينا كل مجروح وجريح = من ساعته يبرى ولا يونس جراح

اقتباس من مشاركة مرزووق الخير اشوفه بس من دونه نبيح = وقومن تسل اسيوفها وزرق الرماح اثر الحسد يبين بالوجه الكليح = واطلبك يارويشد تقول النا سماااح المسامح كريم الله يوفقك والشعر معك له ثمره وسعة صدرك تخليني استانس فيك

ومسموح يابو رزق والدعوه مزوح والله لا يخلينا منك
وصح لسانك وبنانك