.
..
كيف حالك ...؟ للحين قلبي خلخالك
ولين الحين تحسّين
إن حناني بس ... هو شالك
قوليلي : أمرّ مرات في بالك
وش اكثر شي ... مافارق خيالك
وش ابعد صبح ... في ذكراي ماطالك
... كيف حالك ... ؟
بعيد ميلادك اللي فات كتبت شغله ... قريتيها
صحيح إني / مادزّيتها لكن ... قريتيها ..._*
كنتي دايم تقولين : أشوف بدرك قبل لا يولد هلالك
قريتيها ... أو كان الظلام بخافقك حالك ... ؟؟؟
وعلى طاري الظلام بـــسأل :
للحين النهار يسْكن مابين فتحة ازرارك
... وكل ماانتي تستّرتي تعرى لك ...
للحين غابة المرجان تعاف الملح وتتمدّد على جالك
للحين نفسه هو عطرك ولاّ بعدي بدّلتيه مع تبديل احوالك
بعد طول الفراق بسْأل : أنا اسمي لين الحين ... بجوالك ... !
الوهج الفاصل : مسفر الدوسري