مبطي محلق في سماء الابداع=الله يخارجني من البدعه
الناس واجد في الحياه انواع=يشمت واحد يحمد على الترعه
مافيه صيف الا بعد مرباع=والفرق بين السبع والسبعه
لاكبرت الهوشهه على الفراع=نوب ايتحصلها على الصلعه
انا مجرب في الحياة اوضاع=كلن يرى العالم على طبعه
لو كثرت الطمعه على الطماع=دايم يحب يزود الطمعه
هب الهواء يانبتة النعاع=تميل معه غصونها الينعه
حتى الزراعة تتعب الزراع=يشفق على المحصول من زرعة
اللغز حله رمعة الرماع=تخطيه ولاّ تصيبه الرمعة
عانه وشف وانظر وبحر راع=كل العرب بالقول متبعه
حنا سلف واتباع ضمن اتباع=من يتحيزم ينظر لربعه
ترى الجليد ان جته شمسٍ ماع = يميع لو الناس مجتمعه
المشكلة في نابض الارجاع=يبغى التقدم صعبه الرجعه
يصيح الصايح والبطون شباع=الله يكافي شرها الشبعة
خل الرضاعه تلهي الرضّاع=لايبلش العربان في دمعه
عندي خبر والشبر غير الباع=والفزعة يعني شبه منقطعة
اليوم قلّة فزعة الفزاع =وين الحميه ياهل الفزعة
روح زمان الوزنة ام الصاع=البصمة بالابهام من صبعة
ويش الحراميه من القطاع = لاغاب راعي البيت والبضعة
وجه الحقيقة ماعليه قناع=فيها كثير الناس مقتنعه
الفرق واضح فرق بالاصباع=واليد وحده تشعل الشمعه
صلاة ربي تسبق الذعذاع=على محمد راعي الشفعة
هذا النبي الصادق النفاع = اللي على الامة كثر نفعه
*ملاحظة :
محبين ومتابعين ومعجبين هذا الشاعر
لقد اعلن استقالته واعتزاله من باب الشعر والسبب ضروف صحية ولكم الشكر ..
الشاعر عبدالحكيم عبدالله المضيبري الرشيدي