تعبنا نلوم الوقـت ونـعاتب الايـام
..........وتعبنـا نبـدل في زمـنا هـقاوينـا
وتعـبنا نردد كلمة ان السـعد قـدام
..........وتعبنا نمني النفس وتضيع امـانينا
تعبنا وحنا نبني صـروح بالاحـلام
..........وتهدم عواصـيف الليـالي مبـانينا
سقانا الزمن ضيم وتعاسه وجرحن سام
..........وضعنا وتاهت في زمنا خطاوينا
نشـيل الجـروح ونخفي الـهم والألام
..........ونضحك وحـنا هــم الايام طــاوينا
نغني.على اوتار.الحزن بعذب الانغام
..........واذا اقفى النهار اسمع صدى صوت اغانينا
بتسمـع نحـيب وونة(ن)تقــعد النيام
..........ونـوح وهــشـيم العـبره الــي عـثت فينــا
هذي هي اغانينا لها فوق خمس اعوام
..........عجــزنا نـبـدلهــا وعـيت تخــلينــا
ياكثر الي حظوظه تحطم له الارقام
..........وحنا الحظوظ الــغبر عيت تماشينا
عثر حظنا والوقت ضايم وله ننضام
..........وحتى قلوب الناس تئبى تراعينا
قسى الوقت والارحام تقسى على الارحام
..........ولاعاد به ياوقت حاجه بيادينا
غرق قارب الفرحه وموج الحزن لطام
..........وفي فرحة الايام نقبل تعازينا