يقول احد الشعراء:
لـــــو الفقر ضيف اليـــوم وحــنا مــــــعازيــــب...الامرحبا بالفقر دقه وجله
ترى الفقر ماهو عيب تدري وش العيب...على انك غني والبيت محدن يدله
من هذا المبداء بداء الشاعر :صويان صالح الشويلعي قصيدته
لـــو الـــفـــقـــر ضيــف اليوم وحــنا معازيب...الامرحبا بالفقر دقه وجــــــله
ترى الفقر ماهو عيب تدري وش العيب..على انك غني والبيت محدن يدله
وترا العيب بخل الطيب عند المواجـــيب...وانــتـــه على الماجوب تقدر تحله
يومن بعض الــناس مايفـــعــــل الطـــــيب...يازين فعل الطيب بوقتــه وحلـــه
والــرجــل مايـــصـــــرا بـــلـــيا ذواريــــب,,, ولافيه معصــومن من العيب لله
محــــدن ســــلم من خلقة الناس والذيب..الا محمــــــد صــــفــــــوة الخـــــلق كله
والرجــــــل يــــــبدا باول العـــمر ويشيب..ونهــــــايــــته بالـــقـــــبر هــــذا مـحله