ولا تظن البعد خلاني نسيتك
مير حبك في فؤادي مستضامي
مستضام الحب يوم إني هويتك
يوم خليت الدهر يجرح هيامي
ليت تعرف عن مقامك فيني ليتك
كنك اللي في مقفاي و أمامي
وا وجودي بالسنين اللي جفيتك
وجد حاكم فاقده عز احترامي
يا حبيبي لا تظن إني نسيتك
من قناعة صافيه دامت عوامي
لو ظروف الوقت تسمح كان جيتك
واقطع البعد الذي ضر بغرامي
تدري انك عطش ما قد أرتويتك
في هيامك خافقي ما غير ضامي
وتدري إني لا تذكرتك بكيتك
حتى صاحبت السهاد وما أنامي
دامك اللي في الغرام أصبحت ميتك
واجبك عمري مدام الحب حامي
ولا تضن البعد خلاني نسيتك
لكن الرمية أتت من غير رامي