هناك أمور باتت تزعجني في مجتمعنا. من أهمها:
يجيك واحد متحمس يسئلك عن شخص مثلاً أو عن موقف أو حادثه صارت
وأثناء سؤاله تشعر بأن هذا الشخص مقتنع تماماً بأنك على علم عن هالأمر
ومؤمن تماماً بأنه لا يوجد شخص بالدنيا لا يعلم عن هالموضوع شي وعلاوه
على ذلك فهو إن أقتنع بأنك لا تعرف شي بهذا الخصوص سيعتبرك متخلف
وغير مواكب للأحداث المهمه بعصرنا.
هذي مقدمه عن موقف حدث لي مع شخص علافتي فيه تمشي بس بالدف ههههههه
جاني مطفي النور وحنا بمجلس مكتظ بالرجال وأغلبهم كبار سن ( وبمثل هذه المجالس
يجب أن تلتزم الصمت كثيراً والا ترا الشيبان ماعندهم مشكله يكرشونك بما إنك كبر أحفادهم
وبما إنكم تستخدم لغة الحضران على قولتهم ) المهم الرجل صكن بسؤال ما أعرفه . قالي:
شفت الفلسطيني اللي فاز كيف أستقبلوه ؟
قلت :
لا والله ماسمعت بهالشي .وش فاز فيه ومنهو اللي أستقبلوه؟
قال:
أنت وين عايش وش هالتأخر اللي انت فيه؟
قلت :
عندي أمي.
قال :
يا أخي بطل هبال . أنا أتكلم عن برنامج arabidol .لاتقولي ماتعرفه بعد؟
قلت:
سمعت فيه كإسم لأنه صارت عليه مشكله بالمسمى حقه .. لأن idol قد تطلق على المحبوب القدسي
وهو ما يعرف عند الغرب بالصنم أو المعبد أو خلافه. والا البرنامج نفسه بسلامته.
قال :
أنا ما أهتم للخرابيط هذي .
قلت :
أي خرابيط . الحين فهم المعنى خرابيط وهالبرنامج هو الفائده والأستفاده.
قال :
خلك بفلسفتك اللي ماراح تنفعك.
سكت
وأنفجر النقاش المضحك من الجالسين وطبعاً أنا ألتزمت الحياد كـ أبن عباد بحرب البسوس.
والزبده إن الرجل حط نفسه بموقف بايخ .
طيب أنا ألحين علشان أواكب العصر لازم أتابع هالبرامج
يا أخي
ما احب
ما أبغى
مو علشانها تقليد للغرب
أو إنها مشبوهه دينياً
أو خلاف ذلك
كل مافي الأمر بأن قناعاتي لم تتوصل لقناعات مع أفكار ومبادئ هالبرامج.
فلما أقولك ما أعرفها
يرحم أبوك
وأمك
وجدتك
وجارتكم العجوز
لا تستغرب إن ماتفاعلت معاك
فأنا حبوووووووووووووووش