[كبرياء امراة]

جرب هوى غيري وتعرف ودادي

لا مرتك ذكراي من حين لي حين

دامي بحياتك صرت أنا شخص عادي

مابيك في شرهات قلب (ن) شكى البين

لو كان حبك هو شرابي وزادي

ما أقول لك عندي علوم وبراهين

عندي على ما فات علم (ن) وكادي

إنك على اللي راح تصفق بكفين

لا تحسب إني بعدك اليوم غادي

طبعي وأعرفه لا غدى الهم همين

لو جرح حبك لا جياً في فؤادي

النفس طابت والوفاء له موازين

لا حدني وقتي ولا الوقت حادي

ولا همني باللي جرالي من سنين

جرح (ن) نقلته بأول الحب بادي

في خافقي يفهم رموز المحبين*

الموضوع الأصلي: جرب هوى غيري وتعرف ودادي | | الكاتب: كبرياء امراة | | المصدر: شبكة بني عبس