كان ياما كان بقديم الزمان وسالف العصر والأوان لحتى كان،،كان في عائلة من الخراف مؤلفة من سبع خرفان صغار وأمهم..
بيوم من الأيام قالت الأم لولادها:أنا رايحة(ذاهبة)لحتى جيب(أحضر)أكل لا تفتحوا الباب لحدا بغيابي وأنا بس أوصل عالبيت بغنيلكن مشان تعرفوني(يا سنيسة ويا رباب افتحوا لأمكن الباب على ضهرها الحليبات وبجيبا الحلويات)
(سنيسة ورباب كانوا أصغر أولادها)
وكان الذئب عم يراقب الأم وعم ينتظرها لحتى تطلع من البيت حتى يدخل وياكل ولادها..
ولما طلعت الأم إجا(أتى) الذئب وطرق الباب وقال
يا سنيسة ويا رباب افتحوا لأمكن الباب على ضهرها الحليبات وبجيبا الحلويات)،،ولما سمعوا الخرفان صوتوا قالوا:أمنا صوتا ناعم وأنت الذئب روح ما بدنا نفتح..
راح الذئب أكل سكر نبات(نبات لتحلية الصوت)ورجع طرق الباب وغنى(يا سنيسة ويا رباب افتحوا لأمكنالباب على ضهرها الحليبات وبجيبا الحلويات)،،لما سمعوا الخرفان صوتوا قالوا هي أمنا ولكن لما نظروا من تحت الباب وشافوا لون أرجلوا(أقدامه)أسود ردوا عليه وقالوا:نحنا أمنا لونها أبيض وأنت لونك أسود..
راح الذئب ودهن أقدامه باللون الأبيض ورجع لعند الخرفان وغنى،،ولما سمعوا صوتوا كيف صار ناعم وكيف صار لونه أبيض قالوا هي أمنا وفتحوا الباب..
دخل الذئب وأكل الخرفان إلا سنيسة ورباب وحدة تخبت(اختبأت)بالساعة والثانية تخبت بالخزانة..
اجت(أتت)الأم وشافت باب البيت مفتوح،،دخلت وما لقت(وجدت)حدى(أحد)من ولادا(أولادها)،،وفجأة طلعوا سنيسة ورباب وحكوا لأمهم شو صار بالتفصيل..
وما كان من الأم إلا إنها أخدت مقص وإبرة وخيطان وراحت(ذهبت)إلى طرف النهر مكان ما بنام الذئب،،ولما وصلت كان الذئب نايم،،فتحتلوا بطنوا بالمقص وطالعت ولادا ورجعت خيطت بطنوا..
ورجعت الأم وولادا على البيت وقالت:لازم تتعلموا درس من الشي يلي صار اليوم،،لازم
المصدر: المصدر السعودي - من قسم: قصص وروايات الاطفال والقصص الكرتونية