لاعذر ينفع ولادمعه تفيد = ماطرى بالبال نرجع لك أبد
في رصيد الحب ماعندك رصيد = كل مافي القلب من حبك جمد
لو ظهرت اليوم بلباسٍ جديد = واضح التمثيل وش عندك بعد
أنت في قلبك مثل قطعة حديد = عيشتي ويّاك مليانه نكد
النتيجه ماتبي ساعي بريد = بإمتحان الحب لم ينجح أحد
كل ماضحيت تطعن بالوريد = للجمايل كلّها قلبك جحد
العواذل ويش منهم تستفيد = كل ماقالوه من باب الحسد
انتهينا منك بالعلم الأكيد = ثار بركان الغضب لكن خمد