اقتباس من مشاركة عساف الرشيدي
السلام عليكم ورحمة الله وبركاته
وضاح ياوضاح طابت لياليك=عندي سؤال ومنك رد الإجابه
ياشاعرن محسوب تعجب معانيك=ياذيب يانمر ياأسد غابه
عرفي مكفيني وعرفك يكفيك=وضاح بأسماء الشعر مااكثر ثيابه
حللت سبك البيت بأغلب قوافيك=لقيت رابط مشترك به تشابه
مع شاعرن صعب ن مراسه يلاحيك=غايب وأنشد عنه مامن غرابه
|
مشكور ياعساف
وانته على ماقلت ربي يجازيك= بالخير ياعرب النسب والنسابه
عبسي رشيدي ماتغير مباديك= الطيب فيكم من عصور الصحابه
اما الضنون الله على الخير يهديك= ارجوك صك الضن قفله وبابه
انا يماني والرجل من عوانيك= وش جاب اهل صنعا لناسن بلابه
الفرق واضح جعل ربي يخليك= اللي قصته مايحب الطلابه
وانا شقردي جامعن هيك مع هيك= بالسلم سلم وللحرايب حرابه
وسلم وسلملي على من حواليك= شيبان عبس وطفلهم مع شبابه