الله وعلم اني جيت بوقت مايساعد
لكن نقول الله يجيب العواقب سليمه
ابطربكم بشعر
غنيت جرحي للسنين المقابيل..والجرح غنالي وانا منطربه له
وسمع ترانيم الامل ليل ياليل...وقول حزن طاب ياقلب طب له
وكذب وقول ان كذبتي كذبة ابريل..والكذب لوهؤ طال ماطال حبله
مؤمن بمايجري علي وتساهيل...والادمي ماله عن اللي انكتب له
والرجل ودك مايخون الرجاجيل...ودك يموت الادمي قبل نبله
واللي يحب اهل الذكر والتراتيل..يضيق من صوت المغني وطبله
احيان اهني ع الجنون المهابيل..واحيان يزهمني العقل وانتبه له
يروح جيل من البشر يتبعه جيل..ويطلع لنا مليون عنتر وعبله
شفنا غرام الكذب والضحك والميل...والذيب لاصاد البهم ماحسب له
وشلون حب ويبتدي وسط ايميل..يابنت منتي لو طغى الشوق خبله
بعض السوالف ماتبي اي تحليل...وجه اتجاه الصدق والصدق قبله
واللي على شاني تعب واسرج الخيل..ابيع موطن خافقي وغترب له