الحب قاسي مير يسلـم راسـه
على قلوب العاشقيـن يمونـي
مشاعري من سبّتـه حساّسـه
أدناة ما حـرّك علـيّ شجونـي
أتبع رجاه إليـا طوانـي ياسـه
هو راعي المنّه وأنا الممنونـي
وراع الهوى متميّز(ن) عن ناسه
تلقاه لا صاحي .. ولا مجنونـي
ما غير يسبح في بحر هوجاسه
صدره يغيض وخاطره مشحوني
دايـم يكافـح علّتـه وأوناسـه
ويدري علاجه ماهو بمضمونـي
الشوق يآخذني علـى مرواسـه
وآخذ من لحونه وأجرّ لحونـي
يا أم العيـون الخـدّر النعّاسـه
صحّي عيونك .. لا تنام عيونـي
لا سلهمت قلبي تـدقّ أجراسـه
ولا عاد أميّز بعدها وش لونـي
أزريّت أسجّل لك على الكراسـه
ما بان لي من سرّها المدفونـي
تصعب عليّه يا بريـق الماسـه
حتى لو أنّي شاعر المليونـي !!