[صعصعة]

عزي لمن مثلي وغشوه بالطيب
قلبه نظيف ومنزله بالطهاره
بالطيب جيناهم ولا ينفع الطيب
والطيب بعضه فالأوادم خساره
الطيب معهم لا يودي ولا يجيب
صدمه وكل الطيب معهم خساره
من لا يقدر جيتك عندنا عيب
أن كان يحسبها شموخ وشطاره
بعض البشر يفهم بليا مطاليب
حساس شامخ في وفاه وقاره
لا صرت يأبن الجود مابك عذاريب
أبشرك يأبن الكرم بالنماره
حنا خلقنا الله رجال(ن)لواهيب
نتعب على كسب النقاء والنداره
ماهمنا من حيلته فرطت الجيب
اللي يعده مكسبه بالخساره

الموضوع الأصلي: عزي لمن مثلي وغشوه بالطيب=قلبه نظيف ومنزله بالطهاره | | الكاتب: صعصعة | | المصدر: شبكة بني عبس