الكايد99
سلام والليله شقر من الثامنه والتاسعه=من هاجسا يفوح بالكادي وعطر الياسمين
من ضاق صدره بالبلد يلقى بلادا"تاسعه=واللي يعيشون الامل مايعرفون الياس مين
عميان
يامرحبا من هاجسن لبا نداء مسامعه = ماهو مع اصحاب اليسار الا مع اصحاب اليمين
هات الخبر ياللي تقول العلم هذا سامعه = وان كانك انكرت الخبر نلزمك تحلف باليمين
الكايد99
فيك البقاء والناس تبعد واليالي جامعه=والتين ماهو بالنخل ياللي تسمي النخل تين
انت اعمى وطلاب علم ماقبلتك الجامعه=اليوم مايوسع صدور الناس سيف ونخلتين
عميان
اكليب ماورث لسالم ياعرب طبايعه = الله فرق مابينهم لو انهم متخاشرين
الحمد لله ماانت يالكايد زعيم انبايعه = لن كان حطيت المقدم ناديه والا شرين
الكايد99
شئا"يبي له رفع وشئ الله بعزه رافعه=ياللي تعرض للامور الكايده ربك يعين
عند المحاكم ياكثر خلق الله المترافعه=اغواهم ابليس العور وبليس شيطانا" لعين
عميان
انته مطوع تلقى الخطبه وكلن تابعه = وقلبك على ماقيل بالشدات ياكايد يلين
مالي علاقه مع زعيم الجن واللي تابعه = ياللي حبكت السالفه ضد الغزاه العايلين
الكايد99
لــو كــل مبـنـى لـلــوزاره فـيــه قـســم متـابـعـه=ان العـرب مـن ظلـم كتـاب الـوزاره سالميـن
ارتـــاح ياعـمـيـان واحـــداث الـزمــن متّـابـعـه=وشجع مع البحرين والكبتن محمد سالمين
عميان
شرع لهم قانون ويوزع بكل مقاطعه = ما احدن يجي مثلك ياكايد وانت سيد العارفين
ياشين وصل ن عقب مايحصل جفا ومقاطعه = وانا مابيك تقول لي عن حالة المتعارفين