أخطيت يوم إني لقيتك وسلمت
ياخي على دربك وش اللي خذاني
ياللأسف من هالزمن ما تعلمت
إني غريب وعايش بوقت ثاني
حتى على الكلمة إذا ما تكلمت
أندم على حالي وزلة لساني
وإلا الصراحة لأجل لاشيء تألمت
طبع البشر تخطي وأنا اللي يعاني
هذي حقيقة واقعي ما تحلمت
أتعبت نفسي من قساوة زماني
والحين تبغى الجد ترى غصب سلمت
ما أحدٍ خلقه الله يزلزل كياني
إلا انت يا غيمٍ على القلب ظلّمت
لأن الله أعطاك الغلا وابتلاني
مدونة النمرررررر
واصل يامبدع