[ضوء]

.
..

اقتباس من مشاركة ضوء . .. (3) وقالت : فاتك البارح وانا حلوة كثير ... [منشقة أيدي علشآآن اللقآ] مجدلة شعري ولو بيدي أطير ... للوطن حضنك وانفاسك بقا لاتأخر وأنت تدري بي أغير ... من ثيابك كيف لو قلت أصدقا ^ ^ ^ ( الـشعر منقول )

.

..
أنا نقلت هذا الشعر من تصميم
وبصراحة أعجبني لدرجة أني
رديت على صاحب التصميم وشكرته


المهم ... ان أحد اخواني أتصل علّي يسلم ويسولف
وفي نص السوالف قال : أشوفك مخيّم في سكون
قلت : والله مريت صدفة ولقيت زاير كأنه يطق الباب
وكتبت وبتلت أكتب / وش اللي يمنعني ماأكتب بمنتدى القبيلة

قال : هههههههههه بس من جد ضحكت على [ منشقة ] أيدي علشان اللقآآآ
قلت : أضحك على نفسك / وش دراك هذا شعور صعب توصله
الشعور هذا من تفاصيل التفاصيل له روابط مع الواقع
الفكرة هذي أحسن من قولتك
" في هذه الليلة كوني شمسي التي تحتفي بي "


قال : شكلك تكلم من جد ... طيّب وش معناها [منشقة]
قلت : يعني / أن الشاعرة او الحبيبة من كثر الحماس للاستقبال
ماقدرت تسيّطر على نفسها لدرجة أنها ودها تطير من النشوة
عشان كذا مالقت غير تجرح أصبعها عشان ينزل الدم وتركد من هالنشاط
مثلها مثل المدمنين اللي يجرحون أيديهم ... الله لايبلانا
والله بصراحة القصيدة فكرتها أعجبتني كثييييييير


قال : أقول لاتقعد تفلسف ... ماهي [منشقة أيدي] هذي [منقشة أيدي]
لو ماأعرف القصيدة كان أقتنعت بكلامك هههههه
ماشاء الله مسوي لك وزارة شعر لحالك هههه


أقتنعت بكلامه لأنه فعلاً صحيح وأستحيت من كلامي_*
رجعت لـ التصميم اللي أخذت القصيدة منه عشان أغيّر ردي
لقيت التصميم متغيّر بسبب هالخطآ / وردي ماهو موجود ..._*