[سعد بن عادي]

الشاعر محمد بن فالح بن مطلق الرشيدي(خاتم سليمان) شاعرٍ مبدع في صرحنا الغالي , أحد أركان هذا الصرح وأحد شعراءه المتميزون , كتبَ الكثيرَ من الإبداع وكان حديث الشعرِ ومنبرُ التوهجِ , وهُتافِ الدهشه , شاعرُ له بصمته الواضحةِ في قصائده , هطولهِ كالغيث , وغيابُ شعرهِ مؤلم , نحتاجُ لشعره حتى تهنأ الذوائق وتتنفس الأرواح, تتقزّم عباراتُ التقديم أمام هذا الرمزِ المذهل , فهو بأختصارشاعر من الطراز الفريد سنطلعكم على آحد قصائده التي حملت عنوان (( ملحمة المجد )) ونتمنى آن تنال آعجابكم كما نألت على آعجابنا .

الهجوس اللي على العز تدفعها العزوم =شمس عزٍ مشرقه في فضاء الشعر الأبي
هوج ريحٍ تصفق الموج بالبحر وتعوم =وقبس نار ٍ من طوى بالظلام الغيهبي
كنّها شوكة هل الفعل بصدور الرخوم =قلّطت وجهي وذلّت شنب ماهو شنبي
عن هجوس تنزع وتفزع بقلب ٍ عزوم =كنها تستنزع المسك من دم الظبي
تغرق بغبّاتها الفلك وتعوم وتهوم = وتقنص بغاباتها الشرد والصتم حلبي
عرش عبس وملُك غطفان ونقوش الوسوم = من قبل بعث النبي لا بعد بعث النبي
وملك عدنان المبجّل على اثنين محتوم =من زُهير العبسي اليا كُليب التغلبي
عرشنا تحته تهاوى مصابيح النجوم =يسبح السبع السموات سبح الكوكبي
ياعنود المجد ياسؤدد العز المروم =مجدك أقزم مجد فارس ومجد اليعربي
يارجاحة بُلغ الألباب يالفعل الخصوم =يالعزايم ياعصابة ذخر جدي وأبي
أخصم امن الموت وأصرم من الحرب الصروم =وأبتع امن الشلف الأعلط وحد الأحدبي
بالجزيزه قسمنا العز الأعظم بالقسوم =صيتنا مايموت وأمجادنا ماتحجبي
ولو يقبس مقبس ابليس بالشر مهزوم =يَحّصبْ الحرب الفتيّة وجيشه يحطبي
إن بطشنا يعصف الموت كالريح الحسوم =وإن رضينا نلبس المرجله لبس العبي
وكان بين الناس بالمجد معطى ومحروم=ماعلى بال المكارم علاء مجد نسبي
وشم عبس بمعصم المجد ياأصحاب الوشوم =يَوْشم نفوس المعادين وقليب الغبي
وعن حمول الخيل والكف الأرجح باللزوم =إنشد التاريخ والسيف الأحدب والسبي
راعي الحجباء حموله ومن عُرب ٍ قروم =مجد شارق في عنان السماء مايغربي
يسبي أكبر عرش بالسيف ويفلّس خصوم =منكب ٍ خلّد من الفعل رأس ومنكبي
يوم بقعاء طاغيه فعلهم فرك الخشوم =سيل عرم ٍ ينِظف الأرض من دبّ الوبي
لاصدحت بالعزوه الصامله والعز يوم =صيحة ٍ كبرى تذر خصمها غيّبٌ غبي
مانتهاون بالعوايد وميراث السلوم =ولا تخبّطنا خطوب الزمان اللولبي
ولايطيح من الوكور الرفيعه فرخ بوم =ولا ينجّب عَرب ٍ أبلج على غير عربي
ولا نكب الحوم لو كبد حاسدنا تحوم =المطارق تطرقه لين بالطرق يحبي
ولاتخلّون المعادي تحت بحره يعوم =ان قدرتوا مطلبي بس هذا مطلبي
شطر بيت لعيد مربح عسى راسه يدوم=راس شايب لا احتمى الزند بالقاله صبي

الموضوع الأصلي: ملحمة المجد لشاعر المبدع ( محمد بن فالح بن مطلق الرشيدي ) | | الكاتب: سعد بن عادي | | المصدر: شبكة بني عبس