اقتباس من مشاركة فواز الدواي
السلام عليكم اسأل الله الاجر وان يعز الاسلام والمسلمين
[poem="font="Simplified Arabic,5,white,bold,italic" bkcolor="transparent" bkimage="images/backgrounds/22.gif" border="none,4,gray" type=2 line=0 align=center use=ex num="0,black""]ياناصر الأسلام في كل لوني = دينك بكل الأرض بالحق منشور
نزلت دينك فيه خمس الركوني = فرضن على المسلم ولاهو بمعذور
ان لا الله الا (انا) تشهدوني = ورسولي (محمد ) هو الهدي والنور (1)
وفرض الصلاة وقبلها تذنوني = والصوم في عامه شهر ماهو شهور
(وزاكتكم ) من مالكم تخرجوني = حق الفقير وكل من كان معسور
ومن استطاع الحج ووفى الديوني = يحج ويعود من الذنب مغفور
الدين شانه فوق كل الشؤوني = نعمه من الرحمن يشرح به صدور
يوم الصحابه بجيشهم يفتحوني = اقوى الدول والجيش طابور طابور
حرب بسبيل الله ولايهزموني = اقوى جيوش (الكفر ) بالحرب مكسور
بخيولهم وعتادهم يرهبوني = جيش الله الفاتح به أٍسود و نمور
مااشجع صلاح الدين عند الطعوني = القدس حررها قبل وعد (بلفور )
سلطان (قائد) بالعهد مايخو ني = تهابه الكفار بالدور بالدور
واليا ذكرت الشيخ فاضت عيوني= بن( باز ) كم خلا من فلوس وقصور
زاهد عن الدنيا بكل الضنوني = مشايخ الأمه ترجعله الشور
والشيخ صالح قال لو تذبحوني = ماحلق اللحيا ولو صرت معذور
جاه الخبيث وصار حاله أدوني = يحتاج كيماوي مع اعلاج دكتور
ولاهان ابن جبرين شيخٍ زبوني = كبير بالهيئه ولايلحقا قصور
ولا السديس اللي بصوته حنوني = ايمان بالقران واحساس وشعور
ولا الشريم اللي يهز الجنوني = صوته بذن ربي دوى كل مسحور
عز البشوت اللي لها يلبسوني = مشايخ الأسلام نورن على نور
الدين باقى والبشر ينتهوني = عقب البيوت بيوتنا تصبح قبور
يالله طلبتك لابغم يدفنوني = وحطم على جسمي سدر عقب كافور
يوم الجماعه بيدهم يغسلوني =تجلعلني رافع اصبعي حيل مسرور
ويوم الخلايق للقبر يحملوني = عساي اشوف انهار وجنان مع حور
يالله عسى اليا خلصم واتركوني =اونس براد القبر ماني مقهور
[/poem]
1) الشهادتين اشهد ان لا الله الا الله واشهد ان محمد رسول الله
فواز بن فارس الدواي
|