اقتباس من مشاركة ابوبراطم
البارحه فكري تـوارد طواريـه
قامت عواصيف المعانـي تهشـه
شي يبـرق بـه وشـي يخليـه
وشي يحول بـه وشـي يدشـه
ماني على الدنياكثيـر المشاريـه
ماجابتـه سـود الليالـي تقشـه
الله عرض لادم خلاصة ذراريـه
من خلقته حتـى نهايـة منشـه
احد مثل طير السعد في مواريـه
واحد عسى مرسول بقعاء يلشـه
واحد يعيش مع عيالـه عوانيـه
واحد يعيش وعيشته وسط عشـه
واحد مراسه وسط راسه مكفيـه
واحد سواليـف العجايـز توشـه
واحد من النعمه كبـار علابيـه
ودك اليـا منـه تعشـاء تفشـه
على رفيقـه طايـرات نواصيـه
لاكن على فرخ القطاء ماتهشـه
واحد تطشـه بالبـلاوي مباديـه
واحد جبل ماكـل شـي يطشـه
واحد وسيم وخالق الكون معطيـه
واحد عطاه الله براطـم وخشـه
واحد على النعمه جدوده تربيـه
واحـد فتافيـت الدسـم ماينشـه
واحد اليا شافك يسوق المشاريـه
واليـا نخيتـه ماتحليـت وشـه
واحد بوجهك مبتسم من تمدريـه
ولقفيت باطراف العراقيب حشـه
واحد عطاه الله هنـوف ترضيـه
واحـد بـلاه الله بعوبـا وكشـه
واحـد تمشـه لاتـردى بنيخيـه
واحـد فلوسـه لاتـردى تمشـه
واحد طروش الفقر بالفقر ترميـه
واحد دنانيـر الدراهـم ترشـه
واحد على الحيله كبـار هقاويـه
واحد غشيم وكـل حـي يغشـه
واحد تنومس به وتفرح بطاريـه
واحد عن وجيه الاجانب تخشـه
وانا من اللي قلت وان قلت لي ليه
ماصـوب الحصـاد الا محشـه
|