مبدئيا الدوائر الخمس افضل لرشايدة من 25 اللي كل مالها وتضيق علينا و3 مرشحين ينجحون بالعزره وكان ضغط رغم اعداد طيبه نملك بدائر مثل الفروانيه ..
الانتخابات الجايه
الرشايدة ينزلون 4 مرشحين ويلتزمون بفرعياتهم فان شاء الله النجاح ... باسوء التوقعات 2 ينجحون .. من هالدائره
ولو الرشايدة تتحالف مع اقليات وتعطي لهم سكرتاريه مثل اقرب القبايل لنا العوازم اللي لهم بالدائرة 3000الى 4000 صوت .. فالنجاح بـ4 كراسي نسبته 90 بالميه وفوق بالالتزام ..
مقالتك ومعلوماتك اشك في اخطاء منها لنه ممكن محسوبين الرشايدة اللي اخر اسمهم رشايدة او اللي عوائلهم معروفه عند صاحب التعداد ( الخرينج - المسيلم والخ )
عدد الرشايدة بالدائره مو فارق 5000 مع مع قبيلة مطير .. بالكثير 2000 صوت
لنه اذا الرشايدة بالمحافظة الفروانيه متوقع اكثر بقليل او متساوين .. مع قبيلة مطير ( اللي بدوائرناتعتمد على التحالفات اكثر من تعدادهم )
والجهراء لاعتقد عند مطير 5000 صوت او اكثر من 3000 صوت وله جان مرشحينهم او مرشحهم اخذ ارقام تنافسيه رغم نزوله وحيد وبتحلفات مع قبايل اخرى
والرشايدة بالجهراء لهم عدد وصليبيه لهم عدد ولو انه نقول يوصل 1000
عنزه مادري هل 9000 او8000 .. لنه عنزه بمعقلهم وباقوى فرعياتهم بالجهراء مرشحهم خضير ماجاب الا بـ2000 وبرد نفس الشي نقول هالدائره لهم 3000 صوت
اما الجهراء الثانيه اللي خذى فيها الذايدي 3000 فهي يوجد لعنزه عدد جيد لكن ليس كثر معقلهم بالجهراء الجديده والذايدي استفاد من اقليات هالمنطقه وحتى حضر الجهراء سهل ينجحون فيها
وعنزه بمحافظة الفروانيه لها عدد طيب مقارنه بقبائل الجهراء .. خصوصا العارضيه يمكن يوصل اعدادهم بمحافظة الفروانيه بالكثير ل3000 صوت
بس الرشايدة عددهم بالفروانيه والفردوس والرحاب يفوق 8000 او 9000 صوت باخر انتخابات
وعددهم بالرابيه والعمريه والاندلس يصل لأكثر من 3500 الى 4000
وعددهم بالعارضيه والجليب وصباح الناصر يوصل 2500 الى 3000 وهالدائره ماكنا مستفيدين من عدد ناخبينه وعدد ناخبينه قوي لو هالعدد دش بدائرة جهراويه ينافس
وصليبيه لنا مرشحين بالجمعيات ينجحون والجهرااء عددنااا قليل بس مش بطالي ..
وهناك ملاحظه بقبايل شمال .. هي عنصريه الافخاذ (انتخابيا )اكثر من عندنا او عند مطير وكذلك هناك اصوات اكثر مو محسوبه على عنزه او شمر فقط بالاسم اكثر مقارنه بالرشايدة او مطير ( مابي اتطرق حييل للهموضوع ان شاء الله كلنا محسوبين مسلمين )
اذاا صار تحالف شمال وقبايلهم والتزموا فيه .. فهني صعوبه يالرشايدة او قبيلة مطير يطيح منهم 2 ..
واقول الله يوفق الرشايده ويوفق جميع القبايل وكل من فيه خير لوطن ..