لا تهبين يا هبوبي وشربي نبض القصيد
القوافي خيل تصهل سرجها العشق البعيد
والحروف صحراء سفينه عجها منها يزيد
والبيوت خدر الكريم وبلسم الجرح العليل
كم سحابة صيف عدة ما سمعنا الا الرعود
وكم سهام الآه ضلت تحت اوراق العهود
وكم جيوش الفكر تغزي قوم ما فيهم وجود
وكم دموع فوق الاطلال ترثي الضل الضليل
وفقديني في هجيرك واذكريني في الغروب
وارسميني طفل يضحك من ملمات الحروب
شايل الوردة بيدة وحل قيده للهروب
والخطئ خطوة بريئه تحمل الليل الثقيل
وكتبيني جرح ينزف فاقد غالي الوفاء
عقب موته ما بقا له من هنى وسط الشفاء
والهوى لا هو هواء ما هوى منها الهواء
والعيون اللي تنادي ما تشوف الا المخيل
يا شياطين البشر يا ساحبين حبل الغريق
الرجيم ابلس شيطان يشعل الفتنه حريق
والقدر نمشيه لو طالت مسافات الطريق
والكواكب لا سرت ما نلتفت يم السهيل
ويا بساتين الضمى ما ينضح الماء الشحيح
ما لقيت من بين شوكه غير اغصان تصيح
يا لي ثارات الغرور من فوق سرجه ما يطيح
في حروب ضارسات عن لزومه ما يميل
يا يتيم الحض حضك بين هل عالم يتيم
كل من هو كان حولك انكبا بغدر الإيم
ما درو بان الحقايق في حزام اخو الزعيم
والقوافي يوم تصهل تمتطي الخيل الاصيل