كان يا ماكان فى سالف العصر والاوان
كان فيه واحد اسمه فيصل يتمشى على الددسن بالحاره
مسكت معاه غلط وقرر يقنص فى اروبا
وجالس يفكر من يا خذ معاه
امممممممممم من اخذ معاى من اخذ معاى
اممممممم
بسسسسسس لقيته مافيه غير ثلاثيني فاضى
راح لثلاثيني فاضى ولقاه يلعب بالوت مع واحد
لحد يدقق .. ثنين بس اللى يلعبون بالوت
قال لثلاثيني فاضى ابيك تروح معاى لاروبا
انصدم ثلاثيني فاضى وقاله افففف اروبا مره وحده وش هالمسكه
قاله ابى اقنص حالى حال اللى فى اليوتيوب
قال ثلاثيني فاضى يا رجال اللى فى اليوتيوب مو مثلى ومثلك هذولا شيوخ ورجال اعمال وامرا
قال بالله عليك خلنا نطلع قاله ثلاثيني فاضى شلون نطلع وحنا طفارا
قال ابيع الددسن
تحمس ثلاثيني فاضى وانبسط المسكين مايدري انه يبي يجيب العيد فى اوروبا
راحو للحراج وباعو الددسن وحجزو وسافرو
طبحو فى اوروبا وستاجرو فورد حوض مفصل فى الحوض كرسي فخم يجلس عليه امير الرحله
طلعو لصيد وطبعا فيصل هو اللى جالس على الكرسي وثلاثيني فاضى يسوق فيه
ثلاثيني فاضى يعطيه جوه .. طلع راسه من القزازه ويكلم فيصل
ياطويل العمر شرايك فى هالارض باين عليها الصيد فيه على قفا من يشيل
قال فيصل روح قدام شوى يمكن نلقى ازين منها
ثلاثيني فاضى داعس والهوا لعب فى وجه فيصل لعب
فيصل مجهز السلوقى عشان يهده على الارنب
لما شاف ارنب حذف السلوقى على الارنب وثلاثيني فاضى داعس يمشي 140
الله يهديه فيصل يحسب السلوقي مثل الطرزان يطمر من السياره على الارض ويكمل ركض
السلوقى اول ماوصل للارض جاك على راسه
يتدحرج مثل الكوره جنب السياره وثلاثيني فاضى يناضر فيه من المرايه ويحسبه كرتون يلعب فيه الهوا
يوم ناضر وتمعن لقاه السلوقى ماغيره وخاف عليه يجي قريب من الكفر ويدعسه
ثلاثيني فاضى يبي يكحلها اعماها مسك بريك ولف الدركسون
فيصل ضرب وجهه التنده وتشقلب وطبح على الكبوت وزحف لين وصل الارض
نزل ثلاثيني فاضى وراح ورا السياره لقى السلوقى متكسر وراح قدام ولقى فيصل متكسره ضلوعه
ركب السياره وجلس يفكر
بما انه فى اروبا فيه شي اسمه حقوق الحيوان وحقوق الانسان
اما انه يشيل السلوقى الى البيطري ويترك فيصل ويتحمل اللى يجيه من حقوق الانسان
او يسعف فيصل للمستشفى ويترك السلوقي ويتحمل اللى يجيه من حقوق الحيوان
وش نصيحتكم ياجماعه لثلاثيني فاضى ؟