السلام عليكم ورحمة الله وبركاته
أبعث لكم بهذه القصيده وأتمنى أن تنال شيئاً من رضاكم.
ذكرتها يوم هز البال ذكراها **** ذكرت واظنها هي صعب تنساني
ذكرت ماضي قضيته أنا وياها **** زمان معها قضيته أجمل أزماني
تنساه والخوف مارد الذي جاها *** لو راقبنتي عيون تشوفها أعياني
لاخفت تصطا وتصطَيني وانا أصطاها *** لأجل اللقا الكل فينا يقوي الثاني
مرت ليالي صعيبه وصعبها أحلاها **** وأزين لقا بعد خوفي يوم تلقاني
وتخف روعتها بروعة شفت شفاها *** واضمها ثم تروح ان ضمت أحضاني
تسهر وتهنى وأسهَرها وانا أهناها *** وانا وهي ولاسرانا الليل سراني
أتعب مثل ماتعبت لرضاي ورضاها *** كله على شانها وكله على شاني
واليوم تمشي طريق بعيد وداها **** وأنا بعد عكس ما تمشيه وداني
أقفت وعانيت أنا من نار فرقاها **** عانيت بفراقها وانا أدري تعاني
وألحين انا أسأل وانا هايم بذكراها *** معقول تنسى سنين الحب وتنساني!؟
وسلامتكم.