[سعود ذيران]

والله مالي عن ربوعي معاذير =الي لهم عندي معزه وقيمه
اليا دعوني جيت انا اسابق اطير= با الشعر والفزعه وكل العزيمه
اكتب خيال اشعر حكمه عن الغير=والي على ورك المطيه وسيمه
ما تثني اعزومي طوال المشاوير=وانا اشدادي فوق في ظهر ريمه
اخوض غبات الجموع المصاطير =اراس شايش والمكاسب غنيمه
وجهتها صوب الشيوخ المناعير=اهل الشجاعه والكرم والعزيمه
طرانيه يوم اليالي معاسير=اشيوخ تحكم للخصيم اوخصيمه
انتم جريشات الكرم منبع الخير=افعالكم بطيب تبقى مقيمه
برقا اخيله باالمزون المزابير=لمطر سحابه باقي الغيث ديمه
سيل الحيا نبته زهور ونواوير=والدهر مايحيي عروق الهشيمه
عسا السحاب الي بروقه تباشير=يمطر على طيبه الرعوده رزيمه
يامنور اشديد حفيد المشاهير=ذودا خذوها باليال القديمه
يومنها شلفا ورمح اوطوابير= وموتا حمر بين الغريم اوغريمه
تثنون دون ابكارها والمعاشير=يومن والد الاش همه يضيمه
على ظهور معسكرات المسامير=كم فارسا عنكم يذب الخريمه
لشعر دور ولا هل العرف تفكير=والناس تدري والحقايق عظيمه
ما قل دل وزبدت اشعر تعبير= في حفل قالط والمعاني مقيمه

الموضوع الأصلي: والله مالي عن ربوعي معاذير | | الكاتب: سعود ذيران | | المصدر: شبكة بني عبس