* ياللي حضوره فيه ميزه عـن النـاس
مدينـةٍ تسـعـد وتشـقـى مديـنـه
في حضرتك كنـي مدينـه بهـا نـاس
وفـي غيبتـك كنـي بلـيـا مديـنـه
حلم الوصال أشعل ع الشاطي احساس
وريح الحضور أزكى مـن الياسمينـه
يوم الفراق أقسى مـن الهـم واليـاس
حـزنٍ يكابـدنـي ليـالـي سنيـنـه
قربـك يسلينـي بـلا حـد وأقـيـاس
وبعـدك يزلزنـي بوقـتـه وحيـنـه
شربت بحر الشوق كاس علـى كـاس
وأشعلـت مابيـن الضلـوع المتيـنـه
وثارت لك الاشواق بالشعر هوجاس
أرسـم لآمـالـي معـانـي ثميـنـه
أحيـان ياتينـي للأفـراح نسـنـاس
وأحيان أبـات الليـل روحـي حزينه
بيت الغلا باني جـداره علـى سـاس
بالعـز والاخـلاص مـاهـو بطيـنـه*
وباب الأمل مفتوح من غيـر حـراس
وبـدر الدجـى نـوّر دروبـي جبينـه*
كان البحر يعلـو علـى كـل غطـاس
الريـح مـا تعكـس مسـار السفينـه*
هذي حقائق واقعـي صـوت وانفـاس
أظهرتهـا مـن بعـد كانـت دفيـنـه*
وأسمعتها حـيٍ علـى كـل الأجنـاس
مـوت القهـر مـن لا تُجمّـل يمينـه*
ياللي حضوره فيه ميزه عـن النـاس
مدينـةٍ تسـعـد وتشـقـى مديـنـه