16-12-2012, 10:15 PM
|
المعزب x شاعر الصعاليك
شاعر الصعاليك
سلام يامن له الريات مرفوعه= والا الضّعيف يبي يبقى على حاله
أنا ما اقول العرب بالخير مطبوعه = لا شك فيهم كريم وفيهم أحثاله
المعزب
حي الله اللي لو الاخبار مقطوعه = كل السوالف على دربه تهياله
ما جاب شي ٍ جديد أخبار مسموعه = ابو الصعاليك مدري ويش غناله
شاعر الصعاليك
دام المعزب على ما قيل موسوعه = انا بسجل علومه واخذ اقواله
النظرة اللي ما هي بالشرع مشروعه = حلال في سلم راع البيت واعياله
المعزب
بالله عمرك سمعت احداً رقم كوعه=يابوالصعاليك دوك العلم واشتاله
بعض المثايل وراها افكار مصدوعه =من هيجة افكار بعض الخلق واخباله
شاعر الصعاليك
شيخ المدينه لو يحدث بموضوعه = ما يسمعه غير حياله ودجاله
قلي عن اللي لفى واشتال فاروعه = يبي يقض الجبل من قوة اهباله
المعزب
عمك عطيناه سمجانه وجربوعه = وانته زرعنا تحت رجليك محباله هههههه
المشنقة فيك مثنية ومربوعه = أكبر يا صعلوك من راسك على عقاله
شاعر الصعاليك
حجتك يا معزب الضيفان مقروعه = والموج غاطيك من جاله ليا جاله
فوق السفينه تحصل كل ٍ ونوعه = وطير الوحش يالمعزب عايش الحاله
المعزب
اثره سوى سابقه بالدفع مدفوعه = الله واكبر على اللي ضبط الاله
ارض المعزب وعر وحذاه مرقوعه = انشهد ان البطل ما سر مرساله
شاعر الصعاليك
من يجمعك يالعدد وتصير مجموعه = ما يبتلش بالزمان وكثرت اهواله
ارض المعزب بها الالغام مزروعه = واليا مشى نظرته ما عدت اضلاله
المعزب
عكس ارض اللي بها دانه ودلوعه = على صهيل الفرس غنجا ومياله
اديترك ماه يالحنتول لا تزوعه = باقي عليك الطريق الوعر وجباله
شاعر الصعاليك
اللي يهرب لنا حاجات ممنوعه = امن الطرق ما يخلي كل ٍ وفاله
فحصت دمك والا الجينات منزوعه = وصبيت الك من عروقي داخل ابياله
المعزب
يالسايق ارفق كفرة الجمس مفقوعه = والخط قدمك ياراع الخمس يرثاله
الصبح وشلون عمك تمسح ادموعه =اليالقا النار طافيتاً على دلاله هههههه
|