[مبارك الشويلع]

اقتباس من مشاركة نادر بن مساعد اسعد الله اوقاتكم بكل خير الى جميع من يستفسر عن مشاركتي بشاعر المليون اهديكم هذا النص الرواسي راسيه لو هبت الريح بهواها = والله ان طويق باقي في ثرا نجد العذيه ياقصيدي وانت مثل القمره اللي في سماها = نورت ركن الفضا لو الليالي سرمديه يوم جفن الموارد وامحلن من عذب ماها = والله انك ماوردت الا على عدن رويه ادري انك عارف القصه وانا ببحث خفاها = ماينزل قدرك العالي (مزاد الأبجديه) الذيابه لو تروس الرجم وتكرر عواها = ماتهيب من يشممها بخور البندقيه البلا صكات بقعا يوم دارت في رحاها = مايرد اسهومها من كانت عزومه قويه الشهاده زور دايم في جهنم منتهاها = لو يجون اشهود (خمسه) زور نيتهم دنيه علمو من جابها من حر ماله واشتراها = لايسيبها تراها غاليه بنت العبيه يوم قالو ذمة العشاق هابط مستواها= من يلوم ابن الملوح دام حب (العامريه) والصحيح يصح والدنيا فلا يلحق مداها = شرعنا شرع الولي نبقا على سنة نبيه والرواسي راسيه لو هبت الريح بهواها = ابك ذاك (طويق راسي) في ثرا نجد العذيه مغليكم / نادر بن مساعد

صح لسانك يابو مساعد

وافيــــه من رجل وافي وجزله بكل ماتحمله معنى الكلمه

وقسم بالله انك شاعر جزل وخسروا علم من أعلام عبس

لكن ماعليه البقيه فيهم الخير والبركه

وانت مهما كان تبقى شاعر والله شاعر جزل وكفو

وبيض الله وجهك على اللي تكبت وجزاك الله خير

وننتظر جديدك الجزل المفيد يابن مساعد الافقم القلادي الرشيدي