السلام عليكم ورحمة الله وبركاته
ماعطيت الحب قدرة وأصدق الأحساس قيمه=يوم تبعدك المسافة عن عيوني ياعيوني
أن تذكرتك ذكرت الويل وجروجٍ قديمه=وأن تناسيتك طرالي مانسيت من الطعوني
كل ماعذبتني زاد الغلا لك والحشيمه=لين شفت الناس في لذة عذابك يحسدوني
والله أني في غرامك لابسٍ ثوب العزيمه=لوجميع الخلق في حبك وقربك عاتبوني
مستعيد أجيك وأتحمل عواقيب الهزيمه=لو وقف حلف الشمال الأطلسي دونك ودوني
في غيابك ترتكب في اللي يبي وصلك جريمه=أرتجي شوفك وحلو النوم مايكحل جفوني
لاتغرك ضحكة الدنيا وترضا بالظليمه=والظليمه عاقبتها تدرك اللي يظلموني
الله أنه يبتليك بشوق مايبرد نسيمه=من حنينه والمواجع يبتدي فيك الجنوني
تاخذ أيام وليالي تذرف دموعٍ عقيمه=ماتفيدك..لو بكيت سنين وتموت مغبوني
لاجل تدري عن نديمٍ يجرح شعوره نديمه=ويتسامح عن خطاك وله على حبك شجوني
مايصبرني على هجرك والأحزان المقيمه=غير باقي ذكرياتك والهقاوي والظنوني
ولاتحسب أن الحلا يمحي خطاياك العظيمه=زلة العشاق عذالك ماعنها يسمحوني
عبدالهادي حامد بن صبح العجرمي
رابط القصيدة على صفحة ألوان شعبية