ف الصدر ضيقه وانقباضه وتسويف !
........ وفي العين حزن وسور مجد و صبابه !!
لو في يدين الصبر قفل الصواديف !
........ ما أضحت ملامحنا ذهول ورتابه !!
ملامح اللحظة فتات وتخاريف !
........ و أحلامنا ،، وأفعالنآ // ماتشابه !!
نقتات روتين الخرافات .. ونضيف .؟
........ فراغ .. مايملاه صيغه اجابه !!
الحزن يشربنا من السيف للسيف !
........ ما كن فيه اتراب .. إلا ترابه !!
ب حلوقنا ينبت غوايه و تطفيف !
........ وبوجيهنا مليون ضيق و غرابه !!
و ب يديننا حفنه منافي و تكثيف !
........ ل حمل السنين المثقله بالكآبه !!
نكتب و نمسح كن ما نكتب يخيف !
........ حتى كبر فينا " رقيب " الكتابه