واليا حكو فيني قصار الايادي
هذا يدل اني عليهم تميزت
ماهمني بالناس ناقص وغادي
رقيت في راس الطويله وعنزت
وانا على خبرك كعام المعادي
ياكثر ماسويت بعداي وانجزت
على ظهر ريمه ينومس شدادي
لاني على فعل وفعايل تمركزت
يشوش راسي عند خشم الزنادي
ولا هي غريبه يبن عباد لافزت
وان كان عذروبي فقط بنحيادي
لي الفخر يومي الربعي تحيزت
مالد عيني في لسان الربادي
اللي السانه ينفلت لا تبرزت
في قمة التشويش صاحبك هادي
وان لعوزوا غيري ترى ماتلعوزت
ماقلتلك اني رجل غير عادي
من وين ماسقت الركايب تميزت