[أنفاس الفجر]

البارحه نمت والا جاك ماجاني
ان كنت ضايق تراني ضايق بشده
كل ما تذكر غرامن مات واشقاني
لعنت ابو ساعة الايام والصده
الاول على شان اشوفك تبكي اعياني
والحين لا والله ماعاد لي شده
ولا جاك مني مسج مايبطي الثاني
والحين من بينهم يا مطول المده
كنت اتمناك لي وانت تمناني
لكن الايام عكس العاشق ووده
صديت عنك وانا احبك ولا اداني
اشوفك تحب غيري وماسكن يده
اجبرني الوقت في جفواك والا اني
ما قد تهاونت وقتي واثره لده
لا تلومني عنك لا صكيت بيباني
ترا محبك ظروفه وقفت ضده
بقوله ياغلاي بسلم جداني
خل الغلا من بيننا وانساني برده
انا لك اخ واتصير بحسبة اخواني
احسن من إنصير شي مابي اعده
ماهوب على شانك ولا هو على شاني
لكن على شان قلبن واااقعه هده
ادري وتدري بحبك بس وش وداني
السلم والاهل والحظ الردي نده
ياليتها في يديني نلتقي ثاني
والا يعود زمانك واقدر ارده
اذا نسيتك ياجعل الله يبلاني
بيتك بوسط الحشا ماعاش من هده
كانك تعاني تراني مثلك اعاني
وكانك تمل الصبر صبري وصل حده
لا ناموا الناااس طيفك يالغلا جاني
مرن يحد الضلوع ومرن احده
فلابد مانلقتي كان الله احياني
والله ما انساك مهما طالت المده

الموضوع الأصلي: ان كنت ضايق تراني ضايق بشده | | الكاتب: أنفاس الفجر | | المصدر: شبكة بني عبس