السلام عليكم ورحمة الله وبركاته
أخواني أعضاء وزوار ( منتديات قبائل بني رشيد ) الكرام
شاعر المليون هذا البرنامج الذي اصبح حديث المجالس
وحلم أكثر الشعراء ..
تأهل لمراحله النهائيه شاعرين من شعراء قبيلة بني رشيد ( عبس )
وهم من أخواني الذين لهم كلمه في هذا المجال .
ومن حقوقه علينا الوقوف معهم بكل شي .. لكي يظهرون بالمظهر المشرف
ويعكسون الصوره الحقيقيه لنا ..
( لكم ولهم )
تقولون / ماشاركت في شاعر المليون = لو انك مشارك / كان شفناك بالصوره
وانا اقول / مالي ذنّب / هذا خطا زيدون >1= ولاني لحالي / مع شواعير مشهوره
ولكن / تراني للخطا وصاحبه ممنون = كشف لي حقايق / قبل لا اجيه مستوره
تقولون ماندري / لابالله ماتدرون = عن الشرهه اللي للمقابيل مصروره
لو / اني بحاجة صوت / يعني تبا تصوتون ؟= هذا وقت فزعتكم / وكلٍ ومقدوره
سفيرين بالمليون ! يكفون ويسدون = يديهم عن الطالات ماهيب مقصوره
ولكن / لوقفتكم وفزعاتكم / يبغون = لترجيح كفة ( مشّعله / ومبراطوره )
يانبراس تاج المجد / ياهيبته / تكفون = يانيشان / هقوة من مساعيه مشكوره
نبي فزعةٍ يحيا بها / الميت المغبون = على / هامت التاريخ / بالنور محفوره
نحب البياض / اللي له أهل الشرف / يسعون = نفوسٍ تحب ( بالدون ) حيه ومقهوره
أذا / اسلافكم ماتوا وهم لجلكم / يبنون = عليكم ( سما ) الامجاد تجديد / ديكوره
وسموه / باثنيان / وإلأ / أخوه / النون = وسوقوا / ( لعزة ) روسكم كل / مذخوره
1 / مُخرج البرنامج .