[سموالمعالي]

قبل غروب الشمس وقة الطويلـــه=وشفة الرسوم البينـه ماحياتـــــي
وين النزول الي تـقاطر نزيلــــــــــه=يومن هاك الجار للجــار يأتـــــــــي
من عقبهم صارت سنـــينً طـــــويله=ومن عقبهم حتى الــــشجر ميتاتي
يالله عساهم للجنـــــــان الظليلــــه=وفي جنة الفردوس عقب المماتي
البيت يبنى والمسيــــــــر يجيلــــــه=حتى النساء ورجال مــــتوالـــفاتي
على النقاء ماهي علوم وفشيلــــه=يومن بنت الجار مثـــــــــل الخواتي
تمشي معه مثل الولد مع زميلـــــه=وراع الخطاء والعيب مالــــه نجاتي
واليوم شفت الناس والله هبيلــــــه=من شرهم تنعاف حتى الــــحياتي
الشيخ ظالم والمطوع زميلـــــــــــه=ومن عقبهم وشلون بــاق العباتي
ماعمهم والله مــــــــــــدخل دخيلــه=الا الذي بالعين شفتــــــه ثبـــــاتي
حتى العميل اليوم باطل عـــــــميله=ويقول له ياشيـــــن لشـــيخ تأتــي
الصبح ذرا لهل العقول الهبيلــــــــه=لعل مالــــــه عــــند ربــــه نــــجاتي
عنــــده كــــــــــلام الله واضح دليله=ياشيخ هات الحق قبل الفواتـــــي
اليوم بالدنيا حبـــــــــالك طــــــويله=مير البلاء يالشيـــــخ بالمــــقبلاتي
يابد من يومن يجيك وتجيلــــــــــــه=تبي طريق الخير والخـــــير فـــاتي
في بيت ماتعرف نهــــاره وليلــــــه=وجميع ماســـــــويت مــــتواجداتي
ويجيك راع الحق مـــــــالك وسيله=وتأتي فعولـــك كلهـــــا كامــــلاتي
وجميع ماسويت تلقاء حصــــــــيله=ولاتخلص الطـــــلاب غير احسناتي
مير انتبه دنياك ماهي طويلــــــــه=ومن مايموت اليوم اصــــبح مــــاتي

الموضوع الأصلي: قصيدة لشاعر صويان صالح الشويلعي | | الكاتب: سموالمعالي | | المصدر: شبكة بني عبس