[شاعر الصعاليك]

اقتباس من مشاركة ناصر خنيفر لاو الله الا العد خالن من الناس= جهمت يمه مار مابه ورودي راح المعزب طيب الاصل والساس= وسبع الخلا قفا وعيا يعودي وراع الونيت اللي محمل بالاكياس= حمولته ممنوعتن بالحدودي وين انت يالصعلوك يابعيد الارماس= ابطيت لديار العرب ماترودي وبن فديغم غايبن جعل ماباس= والزيدي اللي من نوادر جنودي ومفتي مصر يحضر ليا حل الادماس= والصبح يرقد ضمن ناسن رقودي راحو ربوعي محرقت كل محماس= احسابهم تال الزمان محدودي عقب الجموع اللي كثر رمل الاطعاس=قامت تناقص والعدد مايزودي

حييت يالعمده من الراس للراس = تحية ٍ حسب النظام السعودي
تاصلك في جيش ٍ مجند وحراس = امعززه ما ربطت بالقيودي
تحكي عن اللي بخاطري دون مقياس = مشاعر ٍ كمبودها بدهن عودي
وانا طرالي فوق عشرين هوجاس = يومك توجد في عروق النفودي
ذكرتني وش صار في عهد جساس = والزير سالم يوم فك القيودي
شاروا عليه انه اللقا ضيم واتعاس = وعود على رايه وفعل الجدودي
واللحين ابن فرناس وابوه عباس= شفهم يا ابوتركي بوسط اللحودي
وانا ادري انك مرهف الحس حساس = لكن قضى ربي ما عنه صدودي
هذي هي الدنيا مكاسيب وأفلاس = والرابح اللي ما يعد النقودي