[جفاا]

ياولـد عـمي نخيتك والقصيد أسنده يمك
.. .. .. .. .. عدّها نخوة حميـــّا عدّها نخوة ميــانه

وأعرف إني لانخيتـــك فاض بالفزعات جمك
.. .. .. .. .. وأعرف إنك ماتقول الراي إلا في مكــانه

إحتميــني ياولد عــــمي إذا فعلاً أهمك
.. .. .. .. .. أوقف بوجه المواجـع والظـلايم والمهانه

زمني حد النجــوم اللي عليها كنت أزمك
.. .. .. .. .. عـالم الحـرمان هـذا ذللــه وإقـطع لسـانه

عـالم الخـذلان هـذا ذوّقه لحـظــات سمك
.. .. .. .. .. عـالم البهتـان والطغيان ماعنده أمانه

بنت عـمك ياولد عـمي تـراني بنت عمك
.. .. .. .. .. ارد الموت الحمر ماني عن الوقفه جبانه

دمي اللي في عروقي هو ترا من نفس دمك.. ..
.. .. دم نـشـمـيٍ لامـن فـــار مـادور مـعانه

والـجـفـا لالـم خطـواته طلبتـك لا يلـمك
.. .. .. .. .. الجفا كافر وأنا وإنته على نفس الديانه

إنخـذلـت بـكـل مـن حـولي وخـذلاني يعمك
.. .. .. .. .. وإنطعـنت بكـل سكـينٍ نـوت طـعـني خيانه

طـعـنة الـــدنيا بجوفي عن ندايه لاتصمك
.. .. .. .. .. طعنـةٍ تثـعـل جــروحي ثم تمثناها لعانه

يـاولـد عمـي نخيتك بنت عمك بنـت عمك
.. .. .. .. .. عالم الخـذلان والنـكران مـاعـنده أمانه

الموضوع الأصلي: ياولـد عـمي نخيتك والقصيد أسنده يـمـك ( : | | الكاتب: جفاا | | المصدر: شبكة بني عبس